Siz iPhone ning yangi versiyasini kutayotgan bo'lishingiz mumkin. Lekin Apple kompaniyasi bu ishni amalga oshirgunga qadar, LG kompaniyasi LG PRADA rusumidagi iPhone ga raqobatdosh telefonning ikkinchi versiyasini chiqarishga ulgurdi.

Yangi qurilma GSM (850/900/1800/1900), WCDMA 900/2100 hamda HSDPA tarmoqlarida 7.2 Mbps tezlikda bemalol ishlay oladi. LG PRADA 400x240 o'lchamdagi uch dyuymlik sensorlik ekran bilan jihozlangan. 5 Megapiksellik kamera esa ko'pchilik foto ishqibozlarini qiziqtirmay qolmaydi. Videotelefoniya orqali suxbat uchun telefon oldiga kichik kamera o'rnatilgan.

Bu ham yetmaganidek, telefon Bluetooth, Wi-Fi b/g, FM-Radio imkoniyatiga ega hamda microSDHC (8Gb gacha) standartidagi flesh kartalar uchun maxsus joy ajratilgan.

Hozircha LG PRADA II haqida qisqacha yangiligimiz shundan iborat. Saytimizni kuzatishda davom etsangiz, batafsil ma'lumotlarni berishga harakat qilamiz.