Habaringiz bor 2006 yil 31 dekabrdan 2007 yil 1 yanvarga o'tar kechasi 30-kanal efirga uzatilishi to'xtatildi. Va hozirga qadar 30-kanal efir yuzini ko'rmayapti. Nima sababdan? Nega aynan yoshlarning sevimli kanaliga aylanib ulgurgan 30-kanal ish faoliyati to'xtatildi? Nima bo'ldi ekan? Bu kabi savollar barchani havotirga solgan holda qiziqtirmoqda.

Ma'lumot o'rnida aytib o'tish lozimki, 1997 yili 30-kanal o'z faoliyatini boshlagan edi. O'sha davrda 10 yil muddatga olingan litsenziya muddati tugaganligi sababli, hozirda 30-kanal ish faoiliyatini tugatgan. Mavjud litsenziyani uzaytirish bo'yicha barcha harakatlar bekor qilingan. Shu sababli 30-kanal butunlay yopildi degan taxminlar ham yo'q emas...